Көзүнө жаш алып... Биолог дүйнөдөгү эң сейрек кездешкен гүлдү 13 жылдан кийин тапты (видео)

Оксфорд университетинин биологдору Индонезиядагы Суматра аралынын тропикалык токойлорунан Rafflesia hasseltii гүлүн тапты. Бул тууралуу New York Post жазды.

Изилдөөчүлөрдүн айтымында, бул өсүмдүк сейрек кездешет, ошондуктан гүл табылган учурда команданын бир мүчөсү көзүнө жаш алган.

Септян Андрикитхат гүлдү издөөгө 13 жылын арнаганын айтып берген. Rafflesia hasseltii гүлү бир нече күн гана ачылат. Ал эми биологдор гүлдү ачылган учурунда таап алышкан.

Бул өсүмдүктүн гүлү жагымсыз жыт чыгарат, ал жыт өзүнө курт-кумурскаларды тартат. Бүгүнкү күндө гүл жоголуу коркунучунда экени айтылды.