Гонконгдо 4 миң адам жашаган турак жай комплексинде өрт чыкты 

Гонконгдо 4 миң адам жашаган турак жай комплексинде өрт чыгып, натыйжада 11 тургун жана бир өрт өчүрүүчү каза болду. Бул тууралуу South China Morning Post жазды.

Жабыркагандардын айтымында, имараттарда өрт сигнализациясы иштеген эмес.

Өрт комплекстин төрт кварталын каптап, жалпы 1984 батир күйгөн. Полициянын маалыматына караганда, кеминде эки адам күйүк алып, 16 адам жабыркаган.

Маалым болгондой, бул райондо жашаган тургундардын бири компаниянын жетекчилигине бир нече жолу курулуштун сапаты начар экенин айтып даттанган. Анын айтымында, имараттарда өрт сигнализациясы орнотулган, бирок өрт учурунда ал иштеген эмес. Өрттүн так себеби азырынча белгисиз.

Басылманын маалыматы боюнча, бул Гонконгдо 17 жыл ичинде биринчи жолу бешинчи категориядагы өрт болуп эсептелет. Буга чейинки ири өрт 2008-жылы болгон. Анда Монг-Кокто караоке-бар жана түнкү клубда чыккан өрттөн төрт адам каза болуп, 55 адам жаракат алган.