"Оор жаракат алышкан". АКШда белгисиз жаран эки аскерге ок чыгарды 

АКШнын борбору Вашингтондо белгисиз жаран Улуттук гвардиянын аскерлерине ок чыгарды. Бул тууралуу чет элдик басылмалар жазышууда.

Маалыматка ылайык, окуя Ак үйдөн бир нече квартал алыстыкта болгон. Октон жарадар болгон эки аскер ооруканага жеткирилип, дарыланууда. АКШнын Коргоо министрлиги алардын абалы оор экенин, шектүү кармалганын билдирди.

АКШнын президенти Дональд Трамп ок чыгарган адам дагы жарадар болгонун жана ал катуу жаза ала турганын жазды.

"Улуттук гвардиянын эки аскерин аткан, экөө тең оор жаракат алып, ооруканада. Ок чыгарган адам дагы ок жеп, оор жаракат алган. Бирок буга карабастан ал өзүнүн оор жазасын алат",- деп жазды Трамп Truth Social социалдык баракчасына.