Тышкы иштер министри Орусиядагы мигранттар боюнча комментарий берди (видео)

Тышкы иштер министри Жээнбек Кулубаев Орусиядагы мигранттардын турмушун жеңилдетүү боюнча комментарий берди. Бул тууралуу ал Ынтымак-Ордодо журналисттердин суроолоруна жооп берип жатып билдирди.

"Биздин мигранттардын турмушун жеңилдетүү, каттоону азайтуу боюнча, андан тышкары, көзөмөл реестрине түшкөндөрдү кантип чыгаруу боюнча дагы сүйлөшүп, биздин Тышкы иштер министрлигине, Ички иштер министрлигине тапшырмалар берилди. Мындан ары дагы бул иш боюнча активдүү иштейбиз",- деди ал.

Ошондой эле, эки тараптын кызматташуусу жогорку деңгээлде өтүп жатканын айтты.

Белгилей кетсек, Орусиянын президенти Владимир Путиндин мамлекеттик иш сапарынын жүрүшүндө бир катар эки тараптуу документтерге кол коюлду.