Жапаров ЖККУ саммитинин жыйынтыгы тууралуу айтты

Мамлекет башчы Садыр Жапаров Бишкектеги ЖККУ саммитинин тар курамдагы жыйынында талкууланган маселелер тууралуу айтып, Кыргызстандын төрагалыгынын жыйынтыгын чыгарды.

Президент уюмдагы бир жылдык ишмердүүлүктүн негизги жыйынтыктарын жана алдыдагы багыттарды белгилеп өттү.

Башкы билдирүүлөр:

• Аймактык жана глобалдык коопсуздук маселелери боюнча ачык пикир алмашуу болду;
• Заманбап коопсуздук коркунучтарына каршы күрөшүүдө реалдуу кадамдар жасалды. Уюмдун эл аралык аброюн чыңдоого багытталган иштер жүргүзүлүп, аскердик, аскердик-экономикалык жана аскердик-техникалык кызматташтык боюнча практикалык чаралар ишке ашты;
• Ири машыгуулар өткөрүлдү. Бул иш-чаралар мүчө мамлекеттердин армияларынын биргелешкен аракеттерин жакшыртып, коюлган милдеттерди аткарууга даярдыгын жогорулатканы айтылды;
• Терроризм жана экстремизмге каршы маалыматтык коопсуздук багытында тыгыз координация улантылды. Айрыкча санариптик технологиялар террордук максатта колдонулушуна жол бербөө боюнча кызматташуу күчөтүлдү;
• Саммитте быйылкы иштердин жыйынтыгы гана эмес, кийинки жылга карата уюмдун актуалдуу багыттары да аныкталды.