Францияда ыктыярдуу аскердик кызмат ишке кирет

Франциянын президенти Эммануэль Макрон бүгүн, 27-ноябрда өлкөдө ыктыярдуу аскердик кызматтын киргизилерин жарыялады. Бул тууралуу BC News жазды.

Буга чейин сунушталган планга ылайык, ыктыярчылар 10 ай кызмат өтөп, атайын сыйлык алышат.

Макрон бир нече жолу маалымат каражаттарына берген маектеринде, ыктыярдуу кызматка келгендер Украинадагы согуш аймагына жөнөтүлбөй турганын баса белгилеген.

"Бул такыр башка нерсе, мунун Украинадагы согушка эч тиешеси жок", — дейт Франция президенти.

AFP агенттиги ыктыярдуу аскердик кызматтын биринчи жылында 2–3 миң адам кабыл алына турганын, ал эми убакыт өткөн сайын бул сан жылына 50 миңге чейин жетиши пландалып жатканын айтты.

Францияда 1997-жылга чейин армияга милдеттүү түрдө чакыруу болуп турган. 2001-жылга чейин жарандар альтернативдик жарандык кызматты да өтөй алышкан. Андан кийинки жылдары Франциянын куралдуу күчтөрү толугу менен кесипкөй аскерлерден калыптанган.