Чүй милициясы балыктын массалык кырылышы боюнча билдирүү таратты

Чүй облустук милициясынын маалыматына ылайык, 12-августта Ысык-Ата районунун Ак-Кудук айылы аймагында жайгашкан "Жаңы" бассейнде балыктын массалык өлүмү катталган. Жалпы 90 тоннадан ашык балык өлгөн.

Бул факт боюнча Кылмыш-жаза кодексинин 304-беренеси (Сууларды булгоо) менен кылмыш иши козголгон.

7-ноябрда кылмыш иши Чүй ОИИББинин тергөө кызматынын карамагына алынган. Иштин алкагында окуянын чындыгын ар тараптуу, толук жана объективдүү аныктоого багытталган тергөө жана процесстик иш-аракеттер комплекстүү жүргүзүлүп жатат. Текшерүү жүргүзүүдө экологиялык коопсуздук, ветеринардык-санитардык көзөмөл жана башка компетенттүү органдар менен өз ара аракеттешүү камсыздалат.

Чүй ОИИББинин тергөө кызматы тарабынан тергөө иштерин мыйзам менен белгиленген мөөнөттөрдө, мыйзамдуулук, объективдүүлүк жана жоопкерчиликтен кутулбоо принциптерине таянып жүргүзүлөрүн кепилдейт. Сотко чейинки өндүрүштүн жүрүшү туруктуу мекемелик көзөмөлдө турат.

Тергөө натыйжасында процессуалдык чечим мыйзам талаптарына ылайык кабыл алынат.