Шайлоо мыйзамдарын бузуу боюнча 79 билдирүү түштү

Ички иштер министрлигине шайлоо мыйзамдарын бузуу боюнча 79 билдирүү түшкөнүн министрликтин басма сөз кызматынын жетекчиси Султан Макилов брифингде билдирди.

Анын айтымында, бул билдирүүлөрдүн ичинен:

- 28и Бишкекте,

- 15и Чүй облусунда,

- 6сы Ош шаарында,

- 6сы Ысык-Көл облусунда,

- 6сы Нарын облусунда,

- 6сы Ош облусунда,

- 5и Жалал-Абад облусунда,

- 5и Баткен облусунда,

- 2си Талас облусунда.

"Бардык билдирүүлөр кылдаттык менен каралып жатат. Олуттуу мыйзам бузуулар жок. Ички иштер министрлигинин кызматкерлери күчөтүлгөн тартипте нөөмөттө турушат", - деди ал.

Макилов билдирүүлөр добуштарды сатып алуу жана шайлоо мыйзамдарын бузуу боюнча башка иштерге тиешелүү экенин белгиледи.