Сания Шакированын өлүмүнө күнөөлүү айдоочу буга чейин жети жолу мас абалда кармалган (видео)

"Miss Universe Beauty" сынагын жеңген Сания Шакированын өлүмүнө күнөөлүү болгон айдоочу Чыңгыз Кондубаев буга чейин жети жолу мас абалында унаа айдап жүрүп кармалган. Бул тууралуу ЖКККББнын басма сөз кызматы билдирди.

Маалыматта айтылгандай, аталган айдоочу мас абалда унаа башкарып эң акыркы жолу 30-ноябрда, ага чейин 14-июлда кармалган. Мындан тышкары, 2024-жылы эки жолу, 2021-жылы эки жолу жана 2020-жылы бир жолу мас абалда кармалган.

Белгилей кетсек, кечээ, 1-декабрда милициянын кайгуул башкармалынын кызматкерлери мурдагы укук коргоо органынын кызматкери Чыңгыз Кондубаев мас абалда унаа башкарып бара жатканда кармалганын билдирген. Андан кийин милиция аталган айдоочу 2018-жылы Сания Шакированын өлүмүнө алып келген жол кырсыгында күнөөлүү деп табылганы тууралуу маалымат берген.