Бишкекте ижарага жашаган студенттер үй кожоюнун жана анын баласын сабаганы айтылууда (видео)

Бишкекте үйүн ижарага алып жашаган студенттер үй кожоюнун жана анын жашы жете элек баласын сабап кетишти. Бул тууралуу үйдүн ээси билдирип, алар онго жакын чет өлкөлүк жаран болгонун кабарлады.

Пикир келишпестик студенттерге үй эрежелерин эскерткенден кийин келип чыккан. Үй ээсинин айтымында, аларга үйдө тамеки чекпөө жана түнкүсүн кыздарды чакырбоо сунушу айтылган, бирок студенттер эскертүүнү укпай, тирешүү мушташка айланган.

Жабырлануучу жана анын уулу бир нече жаракаттар менен ооруканага түшкөн. Ал эми шектүүлөрдүн экөөсү гана кармалып, калганы качып кеткендиги кошумчаланды.

Жабырлануучулардын үй-бүлөсү окуяны адилет иликтеп, бардык катышуучуларды жоопко тартууну талап кылууда.