БШК төрагасы: "Кыргызстан шайлоону дүйнөдө алгачкы болуп жаңы систем менен өткөрдү"

Борбордук шайлоо комиссиясынын төрагасы Тынчтык Шайназаров Кыргызстан дүйнөдө биринчи болуп шайлоону жаңы систем менен өткөргөнүн билдирди.

Анын айтымында, кезексиз парламенттик шайлоо жогорку деңгээлде таза өттү.

"Шайлоо кынтыксыз, так, мыйзам чегинде өттү. Биз шайлоочуларга шарт түзүп бердик. Жарандарыбыз шайлоо күнү дүйнөнүн кайсы бурчунда болбосун каалаган шайлоо тилкесинен добуш бере алышты. 30-ноябрь күнү саат 20:00дө шайлоо бүттү, саат 20:01де түз эфирде жыйынтыктар көрсөтүлдү. Буга бүт дүйнө күбө болду",- деди Шайназаров.

Айта кетсек, 3 күн мурун, тагыраагы, 30-ноябрда Жогорку Кеңештин депутаттыгына мөөнөтүнөн мурда шайлоо өттү. Автоматтык эсептөөчү урналардын чыгарган жыйынтыктары боюнча кимдер депутаттык мандатка ээ болот? Бул жерден окуңуз. Ал эми расмий жыйынтык 14-декабрга чейин чыгарылат.