Жыл башынан бери талаптарга жооп бербеген 560 тоннадай жүк өлкөгө киргизилген жок 

Ушул жылдын январь айынан ноябрь айына чейин фитосанитардык талаптарга жооп бербеген 562,5 тонна жүк өлкөгө киргизилген жок. Бул тууралуу Айыл чарба министрлиги билдирди.

Маалыматка ылайык, аталган жүктөргө карата мыйзамга ылайык кайтаруу, жок кылуу жана зыянсыздандыруу сыяктуу чаралар көрүлгөн.

Аткарылган көзөмөл чараларынын негизинде жалпы 35 учур катталып, алардын курамына төмөндөгүчө:

• 562,5 тонна ар кандай жүктөр
• 70 515 даана көчөт
• 11 387 даана гүл
• 136 метр куб пиломатериал

"Бул иштер өсүмдүк чарба рыногунун коопсуздугун камсыздоого, ошондой эле өлкөнүн экспорттук потенциалын сактоого жардам берет",- деп билдирди министрлик.

Ошондой эле аталган фактылар боюнча Кытай жана Нидерланды мамлекеттерине дипломатиялык каналдар аркылуу расмий нота жөнөтүлгөнү кошумчаланды.