№13 округдагы талапкерлер кайра шайлоого катышуу укугун жоготту (видео)

13-округда шайлоо бир ай ичинде кайра өтөт, мурдагы 14 талапкер кайра катыша албайт. Бул тууралуу БШКнын төрагасы Тынчтыкбек Шайназаров бүгүн, 3-декабрда болгон жыйында билдирди.

Айта кетсек, 13 округдагы шайлоонун жыйынтыгы өнөктүк учурундагы мыйзамсыз аракеттерге байланыштуу жокко чыкты. Мыйзамга ылайык, жыйынтык жокко чыгарылгандан кийин бир айдын ичинде кайра шайлоо белгиленет.

Ал эми талапкер болгон 14 жаран кайрадан добуш берүүгө катыша албайт. Тизме:

Талант Мамытов
Бактыбек Сыдыков
Айбек Алтынбеков
Чынара Жураева
Гүлназ Нурбаева
Сайдулла Нышанов
Олмаскан Султанова
Гүлназ Жээнбекова
Жаныбек Курбаналиев
Мунара Маматалиева
Айбек Саипов
Нурланбек Кенжебаев
Айгүл Карабекова
Мейкинбек Абдалиев

БШКнын чечимине макул болбогон талапкерлер сотко кайрылса боло тургандыгы жыйында маалым болду.

Айта кетсек, алдын ала маалымат боюнча, бул аймакта эң көп добуш алган талапкерлер Бакытбек Сыдыков, Айбек Алтынбеков жана Айгүл Карабекова болду.