"Сиз ушуга татыктуусуз". Пакистанда Садыр Жапаровго болгон урмат-сый

Кечээ, 3-декабрда өлкө башчы Садыр Жапаров Пакистанга иш сапары менен барды. Мамлекет башчыны аба майдандан аталган өлкөнүн президенти Асиф Али Зардари менен премьер-министри Шахбаз Шариф чогуу тосуп алышты.

Садыр Жапаровдун ал жакка барышынын урматына 21 жолу замбирек атылды. Президенттин басма сөз катчысы Аскат Алагөзов Жапаровду салтанаттуу тосуп алууга кызыгып, Пакистандын Кыргызстандагы элчиси Алтамаш Вазир Ханга суроо узатканын билдирди.

Ал болсо, аба майдандан бир учурда президент менен премьер-министрдин тосуп алгандыгы сейрек көрүнүш экенин, мындай көңүл буруу ошол мейманга болгон жогорку сый-урматтын белгиси катары бааланаарын айтып жооп кылган.

"Пакистан жетекчилиги Садыр Жапаровдун мындай урмат-сыйга татыктуу экенин баса белгилешип, "сиз ушуга татыктуусуз!" дешти",- деп жазды Алагөзов социалдык тармактагы баракчасында.