Садыр Жапаров Пакистандын өкмөт башчысынын кеңсесине барды (сүрөт, видео)
Бүгүн, 4-декабрда Исламабад шаарында өкмөт башчынын кеңсесинде президент Садыр Жапаровдун Пакистандын премьер-министри Шахбаз Шариф менен расмий жолугушуу аземи болуп өттү.
Президенттик администрация билдиргендей, Жапаровду Пакистандын премьер-министри Шахбаз Шариф тосуп алды.
Өз ара саламдашуудан кийин эки өлкөнүн мамлекеттик гимндери аскердик оркестрдин коштоосунда жаңырды. Андан соң ардактуу кароол командири саламдашуу рапортун берди.
Буга удаа салтанаттын алкагында Садыр Жапаров Ардактуу кароол командиринин коштоосунда килем төшөлгөн жол менен өттү. Кыдыруу аяктаган соң эки мамлекеттин расмий делегацияларынын мүчөлөрү менен лидерлердин кыскача саламдашуусу болду.
Расмий салтанаттан кийин мамлекет башчысы жана Пакистандын премьер-министри биргелешип дарак отургузууга катышып, андан соң сүйлөшүүлөр үчүн залга бет алышты.
Садыр Жапаров Пакистандын өкмөт башчысы менен расмий жолугушуу аземи болуп өттү
0
Талкуу жабык.

Супер-Инфо
super.kg видео
















