БШК шайланган депуттарга кызматын тапшырууга 3 күн убакыт берди
Борбордук шайлоо комиссиясы Жогорку Кеңештин депутаттыгына шайлангандарга буга чейинки кызматтарын тапшырууга 3 күн убакыт берди. Бул тууралуу БШКнын басма сөз кызматы билдирди.
Маалыматка ылайык, шайланды деп таанылган талапкер 3 күндүк мөөнөттө БШКга депутаттык статусуна ылайык келбеген ыйгарым укуктарды алып салуу жөнүндө арызынын көчүрмөсүн берүүгө милдеттүү.
"Бир эле учурда башка мамлекеттик же муниципалдык кызматта тура албайт, ишкердик ишти жүзөгө ашыра албайт, коммерциялык уюмдун жетекчи органынын же байкоочу кеңешинин курамына кире албайт", - деди БШКдан.
Шайланды деп таанылган талапкер аталган мөөнөттө ылайык келбеген ыйгарым укуктарды алып салуу жөнүндө талапты аткарбаса, анын депутаттык мандаты кезек боюнча кийинки талапкерге өткөрүлүп берилет.
0

Супер-Инфо
super.kg видео















