БШК 87 талапкерди депутат катары тааныды

Борбордук шайлоо комиссия кечээ, 8-декабрдагы жыйынында бир катар шайлоо округдары боюнча чечим кабыл алып, жеңүүчүлөрдү аныктады.

Муну менен БШК 29 округ боюнча шайлоонун жыйынтыктарын чыгарып бүттү. Ал эми №13 округдагы жыйынтык жокко чыгарылды. Ал аймакта кайра шайлоо өткөрүлөт. БШКнын жыйынтыктарынан соң депутат боло тургандардын буга чейинки белгилүү болгон тизмесинде бир аз өзгөрүү болду.

Алсак, №8 округда жеңди делген Жылдызкан Жолдошованын ордуна Нуржамал Төрөбекова келе турган болсо, №9 округдан Ыргал Кадыралиева четтеп, Жылдыз Эгембердиева мандат алмай болду.

Жогорку Кеңештин VIII чакырылышына депутат боло турган 87 адамдын тизмеси:

№1 шайлоо округу: Чыңгыз Ажибаев, Исманали Жороев, Камила Талиева.
№2: Ырысбек Атажанов, Бактыяр Калпаев, Бурун Аманова.
№3: Равшанбек Рысбаев, Жаныбек Аматов, Махабат Мавлянова.
№4: Советбек уулу Рустамбек, Уланбек Жаанбаев, Нилуфар Алимжанова.
№5: Элдар Сулайманов, Азамат Исираилов, Айгүл Ахмедова.
№6: Алтынбек Кудайбердиев, Бекмырза Эргешов, Салтанат Аманова.
№7: Алишер Козуев, Илимбек Кубанычбеков, Гүлай Машрапова.
№8: Жанар Акаев, Улан Примов, Нуржамал Төрөбекова.
№9: Данияр Төлөнов, Азамжан Жалилов, Жылдыз Эгембердиева.
№10: Курманкул Зулушев, Сүйүнбек Өмүрзаков, Гүлнара Баатырова.
№11: Шайырбек Ташиев, Алтынбек Кылычбаев, Венера Салямова.
№12: Бекмырза Чолпонбай уулу, Таалайбек Масабиров, Жылдыз Курманалиева.
№14: Болотбек Борбиев, Кундузбек Сулайманов, Гүлшаркан Култаева.
№15: Нурланбек Тургунбек уулу, Азизбек Турсунбаев, Айсаракан Абдиева.
№16: Дастанбек Жумабеков, Медер Чотонов, Медина Кайрылбекова.
№17: Нурланбек Азыгалиев, Улукбек Узакбаев, Чолпон Эсенаманова.
№18: Карим Ханджеза, Бакыт Чомоев, Гүлжан Сатиева.
№19: Абдылдабек Эгембердиев, Медербек Алиев, Эдита Тайгараева.
№20: Темирлан Айтиев, Сеидбек Атамбаев, Токтобүбү Ашымбаева.
№21: Куванычбек Конгантиев, Жаныбек Абиров, Жылдыз Садырбаева.
№22: Дастан Бекешов, Болот Ибрагимов, Гуля Кожокулова.
№23: Элвира Сурабалдиева, Марлен Маматалиев, Умбеталы Кыдыралиев.
№24: Жумабек Салымбеков, Улукбек Карыбек уулу, Гүлнара Акимбаева.
№25: Бахридин Шабазов, Бакыт Тентишев, Эркеайым Сейтказиева.
№26: Медербек Саккараев, Эркинбек Исеналиев, Жамиля Исаева.
№27: Акылбек Түмөнбаев, Табылды Муратбеков, Гүлкан Молдобекова.
№28: Эрулан Кокулов, Болот Сагынаев, Рахат Жунушбаева.
№29: Нурбек Сыдыгалиев, Адилет Белеков, Гүлсүнкан Жунушалиева.
№30: Кубанычбек Самаков, Улан Бакасов, Жылдыз Таалайбек кызы.

Айта кетсек, кезексиз парламенттик шайлоо 30-ноябрда өттү. Жеңип чыккан талапкерлердин канчасы мурдагы депутаттар, эң көп добуш алгандар кимдер? Бул шилтемеден окусаңыз болот.