Марокконун Фес шаарында эки үй кыйрап, 22 киши каза болду
Марокконун Фес шаарында төрт кабаттуу 2 турак үй кыйрап, кеминде 22 адам көз жумду. Ал эми 16 адам жаракат алды. Ураган үйлөрдө жалпысынан 8 үй-бүлө жашагандыгын чет элдик басылмалар жазышууда.
Куткаруучулар урандылардын алдында калгандарды издөө иштерин улантышууда, жакынкы үйлөрдүн тургундары эвакуацияланды. Жергиликтүү тургундар кыйраган үйлөрдө көп жылдан бери жаракалар болгонун айтышат.
Прокуратуранын маалыматына караганда, үйлөрдүн биринде жаңы төрөлгөн балага арналган майрамдык иш-чара өтүп жаткан. Кырсыктын себептери иликтенүүдө.
Бул кырсык Фес шаарында акыркы эки жылда адам өлүмү менен коштолгон үчүнчү факт. Мароккодо жалпысынан 39 миң имарат урап калуу коркунучунда тургандыгы маалыматта кошумчаланды.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
13:12
2025-12-11
12:31
2025-12-11
14:26
2025-12-10
12:9
2025-12-10
Рейтинг:
0
0
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.

Супер-Инфо
super.kg видео















