Таиланддын премьер-министри парламентти таркатып, мөөнөтүнөн мурда шайлоо жарыялады

"Таиланддын премьер-министри Анутин Чарнвиракул парламентти таркатып, бийликти элге кайтарууну жарыялады",- деп кабарлады The Guardian. Өкмөттүн маалымат катчысы парламенттеги эң ири оппозициялык партия менен пикир келишпестиктерге байланыштуу ушундай чечим кабыл алынганын билдирди.

Падыша Маха Вачиралонгкорн парламентти таркатуу тууралуу жарлыкты бекитти, бул мөөнөтүнөн мурда шайлоого жол ачты. Мыйзамга ылайык, шайлоо 45-60 күндүн ичинде өтүшү керек. Анутин парламенттин таркашына карабай, чек арадагы аскердик операциялар улантыларын билдирди. Чек арада куралдуу жаңжалдар болуп, бир нече жерде оор артиллерия колдонулган.

Бул саясий туруксуздук Камбоджа менен чек арадагы кагылыштардан улам күчөдү. Анда кеминде 20 адам каза болуп, 200дөй киши жаракат алган.