Америкалык рэпер Снуп Догг 2026-жылкы Олимпиадада ардактуу машыктыруучу болот

Америкалык рэпер жана шоумен Снуп Догг 2026-жылдагы Олимп оюндарында АКШ курама командасынын ардактуу машыктыруучусу болуп дайындалды. Бул тууралуу өлкөнүн Олимпиада комитети билдиргенин чет элдик басылмалар жазышууда.

Комитеттин маалыматына караганда, бул кызмат ыктыярчылык негизде аткарылат жана анын негизги максаты - спортчуларга мелдештерден тышкары моралдык, эмоционалдык жана руханий деңгээлде колдоо көрсөтүү. Ардактуу машыктыруучу спорттук стратегияга же тренерлик чечимдерге кийлигишпейт, бирок командада ынтымакты, мотивацияны жана позитивдүү абалды түзүүгө жардам берет.

Снуп Догг АКШда өзүнүн чыгармачылыгы менен гана эмес, спортко болгон кызыгуусу, коомдук ишмердүүлүгү менен да белгилүү. Анын катышуусу Олимпиада командасына көңүл бурууну күчөтүп, жаш спортчуларга шык берет деп кошумчаланган маалыматта.