Борбордо чет элдик жаранды алдап кеткен шектүү кармалды

Бишкек милициясы чет элдик жарандын арызынын негизинде ири алдамчылыкка шектүү жаранды кармады.

Милиция тактагандай, Бишкек ШИИББине И.С. аттуу чет элдик жаран арыз жазган.

Арызда ушул жылдын сентябрь-октябрь айларынын аралыгында Бишкекте жүргөндө анын ишенимине кирип, Кытайда чыгарылган 7 даана автоунааны алып келүүнү убадалап, 404 500 долларын ээлеп алган жаран Н.Б.га карата чара көрүүнү өтүнгөн. Айтымында, убадаланган унаалар арыз ээсине берилбей, алган акчасын өз муктаждыгына жумшаган.

Аталган факт боюнча Кылмыш-жаза кодексинин 209-беренеси (Алдамчылык) менен кылмыш иши козголгон.

32 жаштагы шектүү Б.Н. кармалып, убактылуу кармоо жыйына киргизилди. Учурда анын башка мыйзамсыз иштерге катыштыгы бар-жогу иликтенүүдө.

Жогорудагы жарандын аракетинен жапа чеккен же маалыматка ээ болгон жарандар төмөнкү номерге байланышса болот: 0 (773) 09-71-85 жана 102.