Өкмөт башчы Бишкекте турак жай комплекстеринин курулушун баштап берди
Министрлер кабинетинин төрагасы Адылбек Касымалиев Бишкекте эки турак жай комплексинин курулушунун башталышына арналган аземге катышты. Бул тууралуу өкмөттүн маалымат кызматы кабарлады.
Маалыматка ылайык, турак жай комплекстеринин курулушу Мамлекеттик ипотекалык компания тарабынан ишке ашырылат. Касымалиев алгач "Тянь-Шань бермети" турак жай комплексинин курулушуна мезгил кутучасын салып, өлкөдө курулуш секторунун активдүү өнүгүп жатканын белгилеп, жаңы турак жай комплекстеринин курулушунун башталышы шаардын өнүгүшүнө жаңы импульс берерине ишенимин билдирген.
Аталган турак жай комплексиндеги имараттар 23 кабаттан 34 кабатка чейинки 11 блоктон турат. Комплекс 1281 батирге ылайыкталган. Батирлердин жалпы аянты 80 958 чарчы метрди түзөт.
Ошондой эле өкмөт башчы "Теңир-Тоо жарыгы" турак жай комплексинин курулушуна капсула салган. Комплекс 1064 батирден, 19дан 34 кабатка чейинки 4 блоктон турат.
0

Супер-Инфо
super.kg видео
















