Жогорку Сот Ыргал Кадыралиеванын арызын канааттандырган жок

Жогорку Сот Жогорку Кеңештин депутаттыгына №9 шайлоо округунан талапкер болгон Ыргал Кадыралиеванын арызын канааттандырган жок. Маалыматты бүгүн, 16-декабрда Жогорку Соттон ырастады.

Эске салсак, 12-декабрда Бишкек шаарынын административдик соту Кадыралиеванын БШКнын чечимине каршы жазган арызын канааттандыруудан баш тарткан.

8-декабрда БШК Кадыралиеванын ордуна Жылдыз Эгембердиеваны депутат катары таануу боюнча токтом долбоорун жактырган. Буга №9 округдагы 7 шайлоо тилкесинин жыйынтыктарынын жокко чыгарылышы себеп болгон.

Шайлоодо бул округдан гендердик квота боюнча алдыга Ыргал Кадыралиева чыккан болчу.

Айта кетсек, Ыргал Кадыралиева Жогорку Кеңештин V чакырылышынын депутаты.