Төрага болуп кайрадан шайланган Нурланбек Тургунбек уулунун өмүр баяны

Бүгүн, 17-декабрда Жогорку Кеңештин төрагасы болуп Нурланбек Тургунбек уулу шайланды. Парламент жыйынындагы жашыруун добуш берүүгө жалпы 87 депутат катышты. Анын 84ү макул болсо, 3 депутат каршы болгон.

Өмүр баяны:

Тургунбек уулу 1977-жылдын 13-майында Жалал-Абад облусунун Аксы районунун Кара-Жыгач айылында туулган. Жогорку билимдүү. Скрябин атындагы Кыргыз агрардык академиясынын экономика жана агробизнес факультетин бүтүргөн.

Эмгек жолу:

• 1996-1997-жылдары "Обон" гезитинин башкы редакторунун орун басары, башкы редактор;
• 1997-1999-жылдары "Учкун" гезитинин башкы редактору;
• 1999-2004-жылдары "Эркин-Тоо" гезитинин башкы редакторунун биринчи орун басары;
• 2004-жылы Кыргыз Республикасынын Транспорт жана коммуникация министрлигинин басма сөз катчысы;
• 2005-2006-жылдары "Эркин-Тоо" гезитинин башкы редактору;
• 2006-2009-жылдары Кыргыз Республикасынын президентинин басма сөз катчысы;
• 2009-2010-жылдары "ЭлТР" коомдук телерадиокомпаниясынын башкы директору;
• 2010-2011-жылдары маданият жана маалымат министри;
• 2017-2021-жылдары "2 канал" (New TV) жоопкерчилиги чектелген коомунун башкы директору;
• 2021-жылы №17 Аксы шайлоо округу боюнча Жогорку Кеңештин VII чакырылышынын депутаты болуп шайланган;
• 2022-жылдын 29-мартында "Ата-Журт Кыргызстан" фракциясынын жетекчиси, 5-октябрында парламенттин төрагасы болуп шайланган.

Мамлекеттик кызматтын 1-класстагы мамлекеттик кеңешчиси;

КМШнын Аткаруу комитетинин Ардак грамотасы, ШКУнун мааракелик медалы жана башка бир катар мекемелик сыйлыктар менен сыйланган. Ошондой эле Казакстан Республикасынын II даражадагы "Достук" орденинин ээси.

Эске салсак, бүгүн Жогорку Кеңештин 8-чакырылышынын депутаттары ант берип, ишке киришти. Иш-чарага президент Садыр Жапаров жана өкмөт мүчөлөрү катышты.