Бишкекте 8-класстагы кыз менен жакын мамиледе болгон милиция кызматкери кармалды

Бишкекте 8-класстын окуучу кызы менен жакын мамиледе болгон милиция кызматкери кармалды. Бул тууралуу шаардык милициянын басма сөз кызматы билдирди.

Маалым болгондой, окуя ноябрда катталып, 11-декабрда Свердлов райондук милициясынын Балдар менен иштөө бөлүмүнүн башчысы билдирме менен кайрылган.

Бул факт боюнча Кылмыш-жаза кодексинин 154-беренеси (Зордуктоо) менен кылмыш иши козголду.

Шектүү катары А.А. аттуу милиция кызматкери кармалып, Биринчи Май райондук соту тарабынан эки айлык мөөнөткө камакка алуу түрүндөгү баш коргоо чарасы тандалды. Тергөө иштери улантылууда.

Ички иштер министрлиги кызматкерлердин мыйзамсыз аракеттерине жол бербөө иштерин туруктуу жүргүзүп келерин белгилеп, мыйзам бузуу жана кызмат абалынан кыянаттык менен пайдаланган фактыларга катуу укуктук баа берилип, күнөөлүүлөр мыйзамга ылайык жоопко тартыларын кошумчалады.