Акыйкатчы институтуна 9 кызматтык унаа тапшырылды

Бүгүн, 19-декабрда Акыйкатчы институтуна кызматтык автоунааларды тапшыруу аземи болуп өттү. Бул тууралуу мекеменин басма сөз кызматы билдирди.

Акыйкатчы менен президент Садыр Жапаровдун жолугушуусунан кийин институттун материалдык-техникалык базасын чыңдоого 9 миллион сом бөлүнгөн.

Анын алкагында президенттин иш башкармалыгынын жетекчиси Каныбек Туманбаев акыйкатчы Жамиля Жаманбаевага Chevrolet Cobalt үлгүсүндөгү 9 кызматтык автоунаанын ачкычтарын тапшырды.

“Бүгүн кызматтык автоунааларды алуу борбордук аппаратта да, аймактарда да ишибизди күчөтүү үчүн маанилүү кадам. Бул жарандардын кайрылууларына ыкчам жооп берүүгө жана өлкө боюнча адам укуктарын натыйжалуу коргоого шарт түзөт”,- деп билдирет институт.

Аталган унаалар өлкөнүн 6 облусундагы акыйкатчынын өкүлчүлүктөрүнө бөлүштүрүлөт.