Жогорку Кеңештин аппаратынын жетекчилигине жаңы кадрлар дайындалды

Бүгүн, 19-декабрда Жогорку Кеңештин аппаратынын жетекчилигине жаңы кадрлар дайындалганын парламенттин басма сөз кызматы билдирди.

Маалым болгондой, Кутман Турсункулов аппарат жетекчиси, Мария Исанова анын биринчи орун басары, Нарынбек Кубатбек уулу орун басары болуп бекитилди. Бул боюнча төрага Нурланбек Тургунбек уулу тиешелүү тескемелерге кол койду.

Ал эми буга чейин аталган кызматтарды аркалап келген Алайбек Алымбаев төраганын кеңешчиси болсо, Эльмира Эшенкулова парламенттин Эмгек, саламаттыкты сактоо, аялдар иштери жана социалдык маселелер боюнча комитетинин бөлүм башчысы, ал эми Искендер Сулайманов Илим, билим берүү, инновациялык өнүгүү, маалыматтык технологиялар, маданият, спорт жана жаштар иштери боюнча комитеттин бөлүм башчысы болуп дайындалды.