Нурланбек Тургунбек уулу мыйзам долбоорлорун комитеттик жыйында талкуулоого чакырды 

Жогорку Кеңештин төрагасы Нурланбек Тургунбек уулу мыйзам долбоорлору чоң жыйында эмес, тармактык комитеттерде талкууланышы керектигин билдирди. Бул тууралуу бүгүн, 22-декабрда төрага аппарат жетекчилери менен өткөргөн жыйында айткан.

Анда Нурланбек Тургунбек уулу аппараттын жетекчилерине Жогорку Кеңештин VIII чакырылышынын ишин жаңы багытта, жаңы шартта жүргүзүү талабын койгон. Ошондой эле ар бир бөлүм өзүнө жүктөлгөн жоопкерчиликти так аткаруу керектигин белгилеген.

"Иштин натыйжалуулугун арттыруу үчүн мыйзам долбоорлоруна байланышкан талкуулар чоң жыйында эмес, тармактык комитеттерде болушу керек. Депутаттар сунуштарын комитеттин отурумунда берип, ошол жактан мыйзамдар толук ийленип, иштелип чыкканда гана иштин сапатын көтөрүүгө болот. Андыктан, комитеттердин бөлүмдөрү тийиштүү документтерди сапаттуу түрдө, өз убагында даярдап берип турушу шарт",- деген төрага.