Данияр Тербишалиев: “Бишкек жылуулук борбору боюнча макулдашууну денонсациялоо эмес, эреже бузууларды аныкташыбыз керек”

Бүгүн, 21-январда отун-энергетика комплекси жана кен иштетүү комитеттин жыйынында депутат Данияр Тербишалиев “Бишкек жылуулук борбору боюнча макулдашууну денонсациялоону эмес, эреже бузууларды аныкташыбыз керек” деп билдирди.  Комитет Бишкек ЖЭБин модернизациялоону карап жатат. Айрым депутаттар ратификациядан өткөн маселеге кайрылуунун кереги жок экенин билдиришти.

Депутат Данияр Тербишалиевдин айтымында, бул маселе бир гана депутаттардын демилгеси менен эмес, жарандардын кайрылуусунан улам көтөрүлүүдө.

"Айрым учурлар эске алынбай туруп маселе ратификациядан өткөн” деп кошумчалады.