Кыргызстанда жыл сайын 3 миңге жакын бала тубаса жүрөк кемтиги менен төрөлөт

Бүгүн, 22-январда журналисттер менен жолугушууда Эне жана баланы коргоо улуттук борборунун директору Камчыбек Узакбаев “Кыргызстанда жыл сайын 3 миңге жакын бала тубаса жүрөк кемтиги менен төрөлөт” деп билдирди. 

Анын айтымында, алардын 51 пайызы 1 жашка чейин гана жашай алышат. “Бул оору менен төрөлгөндөр дүйнөдөгү көпчүлүк өлкөлөрдө кездешет. Биздин өлкөдө социалдык-экономикалык жана экологиялык факторлордон улам жүрөк кемтиги менен төрөлгөндөрдүн саны өсүүдө. Аймактарда мындай оору менен туулгандар да бар, Бишкек шаарында көп катталат”,- деди Узакбаев.