Жогорку Кеңештин мурдагы төрагасы мандатын да тапшырышы мүмкүн экендиги айтылды

Жогорку Кеңештин мурдагы төрагасы Нурланбек Тургунбек уулу депутаттык мандатын тапшыруу боюнча Борбордук шайлоо комиссиясына арыз жазууну көздөп жатканын Кактус медиа жазды.

Айта кетсек, Тургунбек уулу Жогорку Кеңештин 12-февралдагы жыйынында парламенттеги төрагалык кызматын тапшырып берип, депутат катары ишин улантарын билдирген. Анын ордуна Марлен Маматалиев спикер болуп шайланган.

Өлкөдө орун алган саясий кырдаалдын башталышына Тургунбек уулу себепкер болду деген пикирлер да айтылган болчу.