Ысык-Көлдө УКТ мүчөсүнүн үйүнөн курал-жарак табылды

Каракол шаарындагы Таш-Кыя айылынын 46 жаштагы тургунун үйүнөн курал-жарактар табылды. Ысык-Көл облустук милициясы ал уюшкан кылмыштуу топтун мүчөсү экенин билдирди.

Төмөнкү буюмдар алынган:

• 1 даана 7,62 миллиметр СКС сайлуу куралы;
• 1 даана ТОЗ-8 сайлуу куралы;
• 5,45 миллиметр калибриндеги 39 даана ок;
• 7,62 миллиметр калибриндеги 27 даана ок-дары;
• Белгисиз маркадагы 1 даана тапанча жана ага тиешелүү 2 даана ок кутучасы;
• Белгисиз калибрдеги 15 даана травматикалык резина ок-дары;
• ТОЗ-8 куралына тиешелүү 4 даана ок-дары;
• Сайсыз куралга тиешелүү 20 даана ок-дары;
• 2 даана бычак.

Табылган буюмдар далил зат катары алынып, тиешелүү соттук экспертизалар дайындалган. Учурда тергөөгө чейинки текшерүү иштери уланууда.