Ырчы Анжелика жоолукка байланыштуу пикирин билдирди

Белгилүү ырчы, бизнесвумен Анжелика Кайратованын инстаграм баракчасына жүктөгөн жоолуксуз түшкөн видеосу коомдун талкуусуна жем таштады. Буга байланыштуу ырчы айым пикирин Инстаграм баракчасына жазды.

"Жоолукчан эже-сиңдилер, Аллах ыраазы болсун силерден. Кыйын жол… идеалдуу болбосо дагы туура “4 жыл” жоолукта болдум. Динди ар түрдүү таратып, ар кандай тыюу, чектөө менен улам сын айткандарды угуп, акыл кылчап, хиджабчан айымдарга сөз тийбесе деп эле тилейм.

Жоолукчан болсоң, аял түшүнүктүү, момун болуусу керек дегендей тыянак чыгаргандар күйдүрөт экен.

Жүрөкө баарын кабыл ала берет экенсиң. Мен күндө көптөгөн сыноолордон өтүп жатам . Жаным кейип турган мезгили. Эч бириңердин акылдуу сөзүңөрдү укканга алым жок. Аман бололу",- деп жазды ырчы айым.