Президенттик аппарат: Оштун мэри Жеңишбек Токторбаев кызматынан кеткен жок

Интернет желесинде Ош шаарынын мэри Жеңишбек Токторбаев кызматтан кеткендиги боюнча маалымат тарап жатат. Ал эми президенттик администрация бул маалыматты төгүндөп, экинчи борбордун башчысы өз кызматында экендигин билдирди.

Бүгүн, 17-февралда Токторбаев министрлер кабинетинин төрагасы Адылбек Касымалиевге шаардагы аткарылып жаткан иштерди көрсөтүп жүрөт. Мэриянын басма сөз катчысы Жылдызбек Болотбеков да мэр тууралуу тарап жаткан маалыматтар чындыкка дал келбестигин маалымдады.