Өзгөчө кырдаалдар министрлигине атайын жабдуулар тапшырылды

Бүгүн, 17-февралда Бишкек мэри Айбек Жунушалиев Өзгөчө кырдаалдар министрлигинин Бишкек шаардык башкармалыгына жаңы атайын жабдууларды тапшырды.

Мэриянын берген маалыматына ылайык, иш-чарага өзгөчө кырдаалдар министринин орун басары Акылбек Мазарипов, министрликтин кызматкерлери катышты.

"Биз дайыма сиздерди колдоп, керектүү шарттарды түзүп турабыз. Жаңы шаймандар сиздерге күнүмдүк жооптуу жана катаал ишиңиздерде эң маанилүү курал болуп кызмат кылат. Ар кандай кырдаалга даяр болууга жана шаар тургундарына ыкчам жардам көрсөтүүгө шарт түзөт",- деп баса белгиледи мэр.

Белгилей кетсек, 2023-жылы ӨКМ башкармалыгын камсыздоого болжол менен 5 миллион сом каралган болсо, акыркы эки жылда бул каржылоо 10 миллион сомго чейин көбөйдү.