Алтын түстөгү сызыктар... Трамп президенттик учактарды өзүнө жаккан түскө боётот 

АКШнын президенти Дональд Трамп жеке учактарын өзүнүн сүйүктүү түстөрүнө боётот. Бул тууралуу чет элдик маалымат каражаттары жазышты.

Андагы маалыматтарга ылайык, Катар тарабынан АКШга белекке берилген Боинг учагы жана президенттик учактар ​​катары иштелип жаткан эки учактын түстөрү өзгөрөт. Алар ак, көк, кызыл жана алтын түстөгү сызыктарга боёлору жазылган.

"Биз учактарды Американын желегиндеги түстөргө өзгөртөбүз. Бул абдан сонун болот",- деген Трамп жергиликтүү телеканалдарга маек берип жатып.

Белгилей кетсек, президенттик учактардын түстөрү 60 жылдан бери көк жана ак болуп келген. Дизайндын өзгөрүүсү эми президенттик жана административдик учактарга расмий талап болору айтылды.