"Андай адам эмес". Эрулан Кокулов вице-спикерлердин кызмат ордун кароо керектигин айтты

Бүгүн, 18-февралдагы Жогорку Кеңештин жыйынында депутат Эрулан Кокулов парламенттин төрагасынын айрым орун басарларынын, комитет төрагаларынын кызмат ордуларын карап чыгууну сунуштады.

Ал Жогорку Кеңеште акыйкат орношу керектигин айтты.

"Азыр Жогорку Кеңеште акыйкатка келгенге жакшы мүмкүнчүлүк болуп жатат. Комитеттердин төрагалары, топтордун башчылары, вице-спикерлер болуп, ордуларында акыйкатсыз отургандары бар да.

Мисалы, кээ бирлери бир күн да мамлекеттик жумушта иштешкен эмес. Мындай көрүнүктүү, мен "өлкөгө пайдасы тие турган адам" деп айта алчу адам эмес да. Бирок негедир ушундай чоң даражада отурушат",- деди эл өкүлү.