Кыргыздын эң узун жигити Жеңишбек дарысына каражат табуу үчүн "Ош базарында" акчага сүрөткө түшүп жатат

"Кыргызстандагы эң узун киши деп саналган Жеңишбек учурда "Ош базарында" акчага сүрөткө түшүүдө. Анын дарылануусуна каражат топтоо үчүн ушундай кадамга бардык”,- деп бүгүн, 23-январда фотосессияны уюштуруп жаткан "Ташчайнар" лакап аты менен белгилүү болгон Нурлан Алишеров SUPER.KG порталына билдирди.  

“Учурда Жеңишбектин денесине шишиктер тарап жатат. Кореядан келген дарыгерлер диагноз коюп, 2000 долларлык каражатты сунуш кылышты. Ал каражат шишикти соруп чыгат экен. Өкмөттүн оозун карап отура бергенче элге кайрылууну туура көрүп, базарда Жеңишбекти акчага сүрөткө түшүрүп жатабыз”,- дейт Нурлан.