Пакистанда турак үйдөн газ балон жарылып, 16 адам каза болду (видео)

Пакистандын Карачи шаарында турак үйдүн чатырындагы газ баллон жарылып, 16 адам каза болду. Бул тууралуу бүгүн, 19-февралда чет элдик басылмалар жазышты.

Маалыматка ылайык, кырсыктан дагы 13 адам оор жаракат алган. Мындан тышкары, катуу жарылуунун кесепетинен турак үй урап түшүп, жанындагы үйлөр дагы жабыркаган.

Алдын ала маалыматтарга караганда, жарылуу газдын туура эмес орнотулганынан улам болгон. Окуя болгон турак жай мыйзамсыз курулганы айтылды. Учурда куткаруучулар издөө иштерин улантышууда.