Бишкекте мектеп окуучуларынын катышуусунда массалык мушташ катталды (видео)

Бүгүн, 19-февралда Бишкек шаарындагы мектептердин биринде окуучулардын катышуусунда массалык мушташ катталды. Бул тууралуу Свердлов райондук милициясы маалымдады.

Маалым болгондой, маалымат түшөрү менен жерине укук коргоо кызматкерлери барып, чыр-чатакты токтотту. Мушташка катышкан айрым окуучулар "Тез жардам" кызматы менен ооруканаларга текшерүүгө жеткирилди. Ал эми калгандары ата-энелери менен биргеликте тергөөгө камсыздалды.

Учурда Кылмыш-жаза кодексинин 280-беренеси (Бейбаштык) боюнча кылмыш иши козголду. Тергөө уланууда.