Москвада балдарды кырсыктан сактап калган кыргызстандык айдоочунун кадамы (видео)

18-февралда Орусиянын Москва шаарында адамгерчиликтин жана кайдыгерсиздиктин үлгүсү болгон окуя катталды. Кыргызстандык таксист жөө адамдар өтмөгүнүн алдына токтоп, балдарды өткөрүп жаткан учурда сол тилкеден жогорку ылдамдыкта келе жаткан унааны байкап калат.

Айдоочу кырдаалдын кооптуу экенин дароо түшүнүп, балдардын өмүрү коркунучта экенин сезет. Көз ирмем ичинде чечим кабыл алып, унаасынын эшигин ача коюп, катуу ылдамдыкта келе жатка унааны токтотууга жетишти. Анын бул кадамы мүмкүн болгон кырсыктын алдын алды.

Бул окуя социалдык тармактарда кеңири талкууга алынып, көпчүлүк колдонуучулар таксисттин эрдигине жана ыкчам аракетине ыраазычылыктарын билдиришүүдө.