Манас шаарынын аталышы өзгөртүлбөйт

Социалдык тармактарда Жалал-Абад облусундагы Манас шаары мурдагы аталышына кайтарылат деген маалыматтар тарап жатат. Бирок бул билдирүүлөр чындыкка дал келбейт.

Бул тууралуу президенттин басма сөз катчысы Аскат Алагөзов билдирди. Анын айтымында, Манас шаарынын аталышын өзгөртүү боюнча эч кандай маселе каралган эмес жана күн тартибине коюлган жок.

Шаар мындан ары да азыркыдай - Манас деген аталышы менен кала берет.