Зеленский алгачкы жолу өзүнүн бункерин көрсөттү (сүрөт)

Украинанын президенти Владимир Зеленский Киев шаарында жайгашкан өзүнүн бункерин көрсөттү. Бул тууралуу чет элдик басылмалар жазып, анын видеосун бөлүштү.

Маалыматтар боюнча, коммуникациялары бар жер астындагы баш калкалоочу жай СССР убагында АКШ менен өзөктүк согуш болгон учурда курулган. Зеленский аталган жайды эки жылдан бери колдонуп келе жатканын белгилеген.

"Мен бункерде эки жылдан бери жашап жатам. Ушул жерде уктаган күндөрүм болду. Азыр түнкү аба чабуулунун сигнализациясы болгон учурда ушул жайга түшөм",- деген ал.

Жарыяланган видеодон бункер узун коридордон, президенттин иш бөлмөсүнөн жана башка бир нече бөлмөдөн турарын көрүүгө болот.