Бакыт Төрөбаевдин кызмат ордуна Эрлист Акунбеков дайындалды

Эрлист Акунбеков министрлер кабинетинин төрагасынын орун басары жана суу ресурстары, айыл чарба жана кайра иштетүү өнөр жайы министринин милдетин аткаруучу болуп дайындалды. Бул тууралуу президенттин администрациясы кабарлады.

Буга чейин аталган кызмат орундарынын ээлеп турган Бакыт Төрөбаев бошотулган.

Акунбеков ишкер, айыл чарба тармагындагы эксперт, Жер семирткичтерди жеткирүүчүлөр ассоциациясынын төрагасы.

2020-жылы Жогорку Кеңештин депутаттыгына талапкер болгон.