Чыңгыз Токтобеков Жапониянын Стамбулдагы башкы консулу менен жолукту

Бүгүн, 24-февралда Кыргыз Республикасынын Стамбул шаарындагы башкы консулу Чыңгыз Токтобеков консулдуктун имаратында Жапониянын Стамбул шаарындагы башкы консулу Ивама Рёдзи менен жолугушуу өткөрдү. Бул тууралуу башкы консулдуктан билдиришти.

Маалыматка ылайык, жолугушуунун жүрүшүндө тараптар эки өлкө ортосундагы кызматташуунун учурдагы абалы жана аны мындан ары өнүктүрүүнүн келечектүү багыттары боюнча пикир алышты. Ошондой эле консулдук тармактагы өз ара аракеттенүүнү кеңейтүү, соода-экономикалык жана маданий-гуманитардык байланыштарды чыңдоо, биргелешкен иш-чараларды уюштуруу маселелери талкууланды.

Тараптар өз ара пайдалуу сунуштарды камтыган диалогду улантууга жана кызматташууну мындан ары бекемдөөгө кызыкдар экендиктерин билдиришти.