Жаштарды спортко тартуу: Массалык иш-чаралар көбөйөт

Бүгүн, 24-февралда Бишкек шаарында Дене тарбия жана спорт боюнча мамлекеттик агенттиктин 2025-жылдагы ишмердүүлүгүнүн жыйынтыгы чыгарылды. Бул тууралуу аталган агенттиктен билдиришти.

Маалыматка ылайык, жыйынды директор Казыбек Молдажиев өткөрүп, ага министрлер кабинетинин төрагасынын орун басары Эдил Байсалов жана спорт тармагынын өкүлдөрү катышты.

Коллегияда эл аралык жетишкендиктер, спорттук инфратүзүмдү өнүктүрүү жана жаштарды спортко тартуу маселелери талкууланды. 2026-жылга карата улуттук курамалардын атаандаштыкка жөндөмдүүлүгүн жогорулатуу негизги багыт катары белгиленди.