ӨКМ көчкүгө байланыштуу ыкчам билдирүү таратты

Кыргызстандын тоолуу аймактарында жана ашууларында 26-28-февралга чейин күтүлүп жаткан жаан-чачынга байланыштуу кар көчкү түшүүcү жана кар күрткүсү күтүлөт. Бул тууралуу ӨКМдин Гирометеорология кызматы маалымдайт.

Бул күндөрү жолдор тайгак болуп, муз тоңот. Унаалардын ортосундагы 500 метр аралык кыймыл чектелиши зарыл.

Кар көчкү жана кар күрткү коркунучу бар аймактар:

Бишкек - Ош унаа жолунун 121-138-чакырымдары (Төө-Ашуу ашуусу), 198-265-чакырымдары (Чычкан капчыгайы, Ала-Бел ашуусу);
Мырзаке - Кара-Кулжа - Алайкуу унаа жолунун 55-115-чакырымдары;
Ала-Бука - Каныш-Кыя унаа жолунун 45-112-чакырымдары (Чапчыма ашуусу);
Красная-Горка - Акташ унаа жолунун 0-3-чакырымдары;
Сары-Таш - Дароот-Коргон - Карамык унаа жолунун 97-98-чакырымдары;
Бишкек - Нарын - Торугарт унаа жолунун 292-305-чакырымдары (Долон ашуусу);
Арал - Миң-Куш унаа жолунун 1-14-чакырымдары;
Арал - Суусамыр жолунун 8-21-чакырымдары;
Балыкчы - Казарман - Жалал-Абад унаа жолунун 201-205-260-290 жана 326-349-чакырымдары (Көк-Арт ашуусу);
Каракол - Эңилчек унаа жолунун 45-90-чакырымдары (Чоң-Ашуу ашуусу).