Башкирияда жөө жүргүнчү күйүп жаткан унаадан айдоочуну сактап калды (видео)

Бүгүн, 26-февралда Башкирияда жолдон өтүп бараткан адам күйүп жаткан унаадан айдоочуну сактап калды. Бул тууралуу База Телеграм каналы маалымдады.

Маалыматка ылайык, Белоретск шаарынын үйлөрүнүн биринин алдында Лада Гранта үлгүсүндөгү унаа күйүп кетти. Алдын ала маалыматтарга караганда, машина болжол менен 20 мүнөт мотору күйүп туруп турган, андан кийин капоттун астынан түтүн чыгып баштаган. Ал эми ичиндеги айдоочу аң-сезимин жоготкон абалда болгон.

Бирок жолдон өтүп бараткан кайдыгер эмес адам күйүп жаткан машинаны көрүп, ичиндеги адамдар бар-жогун текшерүүгө киришкен. Ал киши жабыркаган айдоочуну сыртка чыгарып, "Тез жардам" келгенге чейин биринчи медициналык жардам көрсөткөн.

Азыркы учурда 38 жаштагы айдоочу оор абалда Белоретск ооруканасына жаткырылганы кабарланат.