Кубанычтын көз жашы... Беткапчан киши 30 үй-бүлөгө үй берилгенин билдирди (видео)

Беткапчан киши кайрымдуулукка кол сунган жарандар менен биргеликте долбоордун алкагында муктаж болгон 30 үй-бүлөгө жаңы турак жайлардын ачкычы тапшырылганын билдирди. Анын айтымында, бул максатта жалпы 1 миллион доллар каражат жумшалган.

Долбоордун алкагында ар кайсы аймактардагы социалдык абалы оор үй-бүлөлөргө үйлөр тапшырылган. Жарыяланган видеодо жаңы конушка ээ болгон жарандардын кубанычы, айрымдарынын толкундануудан көз жаш алган учурлары тартылган.

Ошондой эле беткапчан киши мусулмандарды ыйык Орозо айы менен куттуктады.