Кара деңиз үстүндө британ чалгын учагы байкалды

Британдык Boeing RC-135W Rivet Joint чалгын учагы Кара деңиз аймагында, Крымдын жанында учуп жүргөнү аныкталды. Бул тууралуу "РИА Новости" учуу маалыматтарына жүргүзүлгөн талдоонун негизинде кабарлады.

Маалыматка ылайык, учак Уэддингтон авиабазасынан учуп чыгып, Европаны кесип өтүп, Румыния тараптан Кара деңиздин аба мейкиндигине кирген. Крым менен теңелген учурда чалгын учагы онлайн көзөмөл ресурстары аркылуу байкоого мүмкүн болгон жайгашкан жери тууралуу маалыматтарды берүүнү токтоткон. Болжолдуу учуу багыты Орусиянын жээгин бойлой уланган.

Акыркы жылдары НАТО Орусиянын батыш чек араларына жакын аймактарда активдүүлүгүн күчөткөнүн Москва бир нече ирет белгилеп келет. Альянс бул аракеттерин “орус агрессиясын токтотуу” чарасы катары мүнөздөсө, Орусия бийлиги Европада блоктун күчтөрүнүн көбөйүшүнө тынчсыздануусун билдирип келет.